Vuorrasijhukso Stockholma stádan

Vuorrasijhukso Stockholma stádan la dunji gut la 65 jage ållim ja gänna l dárbbo dårjas ja viehkes ietjat árggabiejven jali gut dárbaj ietjá årromav.

Buojkulvis vuorrasijhuksuj la jasskavuohtalármma, häjmmadievnastus, biejvvedoajmma ja huksoårrom. Stockholma stáda mávsov váldá vuorrasijhuvsos.

Riektá vuorrasijhuksuj julevsámegiellaj

Stockholma stáda l tjuottjudusguovllo julevsámegiellaj. Merkaj dujna gänna l tjanos dán rijkalasj unneplåhkuj li sierra riektá.

Dujna l iehtjádij siegen riektá guládallat stádajn ietjat giellaj njálmálattjat ja tjálalattjat. Dujna l aj riektá vuorrasijhuvsov oadtjot ietjat unneplågogiellaj.

Åtsålvis vuorrasijhuvso birra

Ienemus dago vuorrasijhuvson dárbaha åhtsåt. Stádaguovllotjuottjudusá doarjjagiehtadalle mierret. Duv dárbo mierredi man edna dårjav máhtá oadtjot.

Äldre direkt máhttá duv viehkedit aktavuodav válldet doarjjagiehtadallijn stádaguovlon gånnå åro.

Telefåvnnå: 08-80 65 65
E-påvsstå: aldredirekt.service@stockholm.se

Gå la oadtjum märrádusáv dago birra de máhttá válljit dåjmadiddjev majt sidá viehkken válldet. Gávnnuji goappátjagá kommuvnalasj ja priváhtta dåjmadiddje.

Jasskavuohtalármma

Jasskavuohtalármma l fárrolármmakloahkka mav máhta adnet ietjat hejman birra jánndura. Gå diebttji lármmaklåhkav de aktavuodav oattjo Stockholma stáda lármmaguovdátjijn.

Häjmmadievnastus

Häjmmadievnastus máhttá duv viehkedit vaj máhtá hejman årrot ja jasskavuodav dåbddåt ietjat árggabiejven. Häjmmadievnastus máhttá årrot gájkka viehkes snivvimijn, gitta biebbmorusstimij jali huksoå moaddi jánndurij.

Biejvvedoajmma

Biejvvedoajmmaj boadá gávnadittjat iehtjádij ja oassálasstet umasslágásj dåjmajn jali val rádnastalátjit. Jus dárbaha de räjso gávnnuji biejvvedoajmmaj åvdån ruoptot.

Sujtto- huksoårrom

Sujtto- ja huksoårrom la årudahka dievnastusájn ja huvsujn birra jánndura. Årromin gávnnu gájkka viehkke mav dárbaha.

Vuorrasijhukso dunji gut åro Stockholma stádan (pdf, 1,7 MB, nytt fönster)

Uppdaterad